إنسكاب الغيم...!!

[تاج الغرور]

جهّم زماني والنوايا مغاتير=ومرباع قلبي شح ووحوشه جياع
وخيول فكري شتتها المقادير=مالي على حصن المماليك مرجاع
حنيت ياوقت الضعون المصادير=ياسالفة بدو(ن)معاها الحكي ضاع
يافرحة الراعي بشوف الغنادير=ياغيث يسقي كل وادي ومطلاع
ياضحكة اجدادي بوجه المسايير=ياصوت ابوي اللي حفظته بالأسماع
ياعيد قريتنا صباحك تباشير=يافرحة العاشق بنسمات ذعذاع
ياحشمة الانثى وطهر التعابير=احتاج لك في كل منفى ومرباع
ياديرتي حلوه معاك المشاوير=ياحب يسكن بالزوايا والأضلاع
شوفي فتاتك خانقتهاالاعاصير=والقلب حلته المآسي و الاوجاع